Die Entstehung der Fosenochtsodden 2007Gespielt von einer Frau, die als Mann verkleidet ist! Mit hoher Stimme reden / langen Mantel anziehen |
|
Oooh ohhh ooooooooooooooohhhhh Ich sach euch, des wor
en Sonndach! Ooh
ohhh Moi Fraa hot die Odden
fer die Weiwerfosenocht Probegebacke! Ohhhhhh Ich sach euch, erst wos ja ganz lusdisch, do hot se
die Titte geformt, da konnt ich ihr ja noch e bißje dabei helfe. Do hot en Monn
halt doch mehr Erfohrung wie a Fraa! Kompliziert wurd es erst donn, als ich die Wubbesjen soooooo forme sollt, als wenn die Erdanziehungskraft schon ihren Laaf genommen hät. Uff gud deutsch gesocht, sie wollt a poor Hängetitte fer die Ballettmänner, falls oner debei is im höhere Alder, damit der donn ach was, wos es soi soll un net irr werd! Aaaaaber, oooohhhhhhhh, als es dann an die männlichen Genitalien ging, oooooh ohhhhhhh, da musste ich als Modell herhalde! Ich musst mich nakelisch mache un owwe uff die Theke druff stelle, musst ja ach alles in aachehöhe soi! Oh ich kann euch sache, am Anfong hot`s ja noch Spaß
gemocht, a bißje Eier-schaukele
hier un a bißje Eier-schaukele da! Oh wor des schee! Dann kam moi Ald
mit de Messlatt um die Eck, nahm moi best Stück un hot des in
die läng`gezoche, oooohhhhhhhhhhh,
ich kann Euch soche, des hot vielleicht weh gedue! Gemesse hot se alle
Seite, von owwe noch unne,
von unne noch owwe, langgezoche un schnalze losse, de Umfang war ach gonz wischdisch, denn es musste ja proportional ach zu de Eier
passe! Donn hot se den Weckdaasch gemocht, schon wie se den geknet
hot und bei der Vorstellung, WAS draus wenn sollt, ooohhhhh
was hots mer zwische de Boo gezuckt, ich konn euch sache, des wor net witzisch fer misch! Den Daasch hot`se gehache, gezoche, gedreht un gerisse, umgeschloche un druff gehache,
oohhhhhhhhh was hot mer
des im Schritt so weh gedue! Zum Glück muss so en Weckdaasch ja ach
emol a bißje Ruhe. Zwonzisch Minudde hot se gesocht. Awwer was soll ich
Euch sache, die zwonzisch
Minudde hat`se dezu genuzt um nochemol genaue Maße zunemme. Un weil isch waas, das moi Fraa in so Sache immer perfekt soi
will, wollt se erst emol a Schablone von moim beste Stück mache. Die Frache
stellte sich, aus wosferm Matrial
will se des mache! Da wo`se korz
verschwunne un kam mim Gibs um die Eck. Awwer isch loss mer
doch net die Eier Oigibse!
Also, isch sach Euch, des
mit dem Gibs hot se jo oigesehe, awwer als se mer moi scheene
Glocke von Rom mit PU-Schaum oischäume wollt, hot
se net emol a oisicht gezeicht, dass ich des net wollt! Ich konnt se donn zum Glück devon überzeusche, dass se die Schwänzjer ofach frei Schnauze modellieren soll. Verschiede Varianten sollte erstellt wern.
Die erst Idee, ofach zwo Keesweckelche, schee rund geformt mit a bißje Mohn druff, a Wooschtkoddel dochgezoche un zwische noi a Flaaschwerschtsche. Uff moi Frach, warum Mohn, socht`se, aja, wenn sich oner net jeden Tag die Eier rassiert, sieht mer halt donn die Hoarstoppel Die zwet Idee: Mer mache ofach zwo runde Bällchen, mit Mohn, un
zwischenoi a Wämsche! Des hot sich ach ganz gut angehört, bis` se ongefonge
hot zu modelliere. Do nimmt se sich a Stück Daasch, knet,
zieht und rollt des in alle Richdunge, bis se donn so a länger Wärschtsche
gerollt hatt. Donn fing
se on zu lache und sescht, jetzt kemmts Beste: Heescht die uff des voddere Stück Daasch druff, bis es total platt wor und zieht´s noch owwe, drückts fest un schneid mit de Rasierkling en Schlitz ennoi! Ohhhhhhhhhhhh ich kann Euch sache, des worn vielleicht Phantomschmerze!!!!! Seit dem hob ich ach so a hoch Stimm, ich hob mit dem Stück Daasch rischdisch mitgefühlt un hat aach dem soi Schmerze! Als se donn so zwo drei Stück ferdisch hat, fing se an, das ganze zu dekoriere! Die Glöckscher, des hat se mer ja scho erläudert, musste in Mohn gedunkt werde, un uffs Schnibbelche, uff die obbere zwo drittel musst Kees gestreut wern.! Zum optischen Vergleich musst isch donn ach widder uff die Thek krabbele un die Hos` runner losse. Als se des gonze donn fer gut empfunne hot, musst ja de Daasch ach noch e bißje gehe! Alle zwa Minudde is se in die Küsch gerennt und hot des Dingelsche getreichelt. Uff moi Froch, warum se den Daasch dauernt streichelt, hob isch gesocht griet, es wär wie im wahre Lebe, je mehr mer steichelt, desto bessser wächst des gonze aach! Nach so ungefähr ner Stund, war es donn soweit, ----also, bei mir dauerd des ewwer net solong----, un die Dinger konnte in Ofe geschowe werde. Noch nur zwonzisch Minudde, worn se donn ach gebacke, --------echte Prachtexemplare! Nochem erkalte, musst donn en Geschmackstest gemocht wern, un als moi Alt in den Keespimmel gebisse hot, hot mers grood widder de Schritt zerisse! Um Euer Verständis zu kriesche, muss ich Euch jetzt halt doch emol moi best Stück zeische, damit ihr emol es bißje Mitgefühl entwickele tut, un e Vorstellung hobt, wie es mir seit dem Sonndach geht! ( Mantel öffnen, heraus kuckt ein
übergroßer gebackener Pimmel, wo das erste Stück abgebissen werden sollte ) HELAU |
|
|
